Turnuveya futbolê ya jinên herêma Firatê bi serketina tîma Berxwedan bi dawî bû.
Turnuveya futbolê ya jinên herêma Firatê bi beşdarbûna 7 tîman di 29’ê Hezîranê dest pê kiribû. Ev turnuve ya yekemîn a jinan e ku li ser asta herêmê tê organîzekirin.
Tîm li gorî du qonaxan hatibû birêxistinkirin. Her tîmekê 12 maç lîstin, dema her maçekê 50 deqe bûn. Tîmên beşdarî turnuveyê bibûn ev in: Umal, Wehda, Terbiya, Berxwedan, Firat, Nesrîn û Roşîn. Maç li stada Dosanî Kobanê-Nerwîc hatin lîstin. Turnuveya Berxwedan bû şampiyona turnuveyê
Lîstikvana bi navê Rohat Efendî kêfxweşiya xwe bi beşdarbûna turnuveyê anî ziman û got: “Tevî gelekî astengiyên ku rastî me hatin, ji ber ku futbol di civaka me de ji bo mêran sînordar e, lê îro turnuveya taybet bi jinan hatin lidarxistin. Min karî qalibê zihniyeta baviksalarî bişkînin. Wekî lîstikvan dibînim ku ev turnuve girîng e, ji ber ku ronahî nîşanî jinan da ku beşek ji xewa xwe pêk anî û karî xwe îsbat bike.”
Tîmên beşdarî rastî gelek zehmetî û astengiyan hatin, ji wan tunebûna perwerdevanên akademîk û tunebûna destekda madî. Li gorî berpirsên turnuveyê, piraniya tîman astengî derbas kirin û hişt ku turunve serketî derbas bibe.
Ji hekemên turnuveyê, Mistefa Xêr Zade got: “Tevî ku ev cara yekemîn e ku li herêma Firatê tunruveyeke wiha tê lidarxistin, lê heta astekê baş bû. Hêvîdar im ku sala bê elaqeyeke mezintir bi tîman hebe, nexasim ku turnuveyeke wiha hewcedarî perwerdevanên akademîk e. Wekî hekem jî, di dirêjahiya turnuveyê de tîmên ku bi ser nediketin sedema wê dispartin me. Em bi hêvî ne ku alîkarî ji bo me were kirin da ku em li gorî qanûnên futbolê ne li gorî qanûnên kesayetî kar bikin.”
Komîteya Turnuveya Futbolê ya Jinan a Herêma Firatê ku erka wê şopandina maçan bû tevî astengiyan û hejmara kêm ku tenê du kes bûn, roleke girîng di serxistina turnuveyê de lîst.
Endama komîteyê Medya Mihemed têkildarî mijarê got: “Turnuveyeke wiha li ser asta herêma Firatê gelekî girîng e, tevî astengiyan lê pir kêfxweş im. Ez dibînim ku jinên herêmê bi rihekî pêşbazî dilîzin. Bi hêvî me ku sala bê hejmara endamên komîteyê zêdetir be da ku rola xwe bi awayekî aktîvtir pêk bîne.”
