DOLAR
18,5265
EURO
17,8429
ALTIN
981,80
BIST
3.217,48
Adana Adıyaman Afyon Ağrı Aksaray Amasya Ankara Antalya Ardahan Artvin Aydın Balıkesir Bartın Batman Bayburt Bilecik Bingöl Bitlis Bolu Burdur Bursa Çanakkale Çankırı Çorum Denizli Diyarbakır Düzce Edirne Elazığ Erzincan Erzurum Eskişehir Gaziantep Giresun Gümüşhane Hakkari Hatay Iğdır Isparta İstanbul İzmir K.Maraş Karabük Karaman Kars Kastamonu Kayseri Kırıkkale Kırklareli Kırşehir Kilis Kocaeli Konya Kütahya Malatya Manisa Mardin Mersin Muğla Muş Nevşehir Niğde Ordu Osmaniye Rize Sakarya Samsun Siirt Sinop Sivas Şanlıurfa Şırnak Tekirdağ Tokat Trabzon Tunceli Uşak Van Yalova Yozgat Zonguldak
Diyarbakır
Açık
34°C
Diyarbakır
34°C
Açık
Perşembe Açık
34°C
Cuma Açık
34°C
Cumartesi Açık
33°C
Pazar Açık
32°C

Rûspiyên Dirbêsiyê ji ber xetera DAIŞ`ê hişyarî dan civaka navneteweyî

Rûspiyên Dirbêsiyê ji ber xetera DAIŞ`ê hişyarî dan civaka navneteweyî
23.01.2022
0
A+
A-

Rûspiyên êlên navçeya Dirbêsiyê ji ber zêdebûna xetera DAIŞ`ê piştî êrişa li dijî girtîgeha Xiwêran, hişyarî da civaka navneteweyî û banga çareserkirina dosyaya çeteyên DAIŞ`ê bi rêya avakirina dadgeheke navneteweyî kir.

20`ê Çileyê şaneyên çeteyên DAIŞ`ê bi hewldana hêsankirina reva 5 hezar çeteyên DAIŞ`ê yên di girtîgeha Xiwêran a li Hesekê de ne, erebeyek û motorsîklêteke bombebarkirî li pêşiya deriyê girtîgeha Xiwêranê teqandin û êrişî girtîgehê kir.

Têkildarî mijarê rûspiyekî eşîreya Badîna Elî El-Ebas wiha axivî: “Êrişa şaneyên DAIŞ`ê li dijî girtîgeha Xiwêranê xeteriyeke mezin li ser herêmê û dewletên din çêdike. Êriş bi alîkariya dewleta Tirk a dagirker û çeteyên wê hate kirin.”

Elî El-Ebas êrişa ku şaneyên DAIŞ`ê li dijî girtîgeha Xiwêranê şermezar kir û got: “Em êrişa terorîst li ser girtîgehê red dikin.”

Elî El-Ebas îşaret bi xeteriya çeteyên DAIŞ`ê di demên nêz û dûr de kir ku heger civata navneteweyî ji bo çareserkirina dosyaya DAIŞ`ê nekeve tevgerê dê ne tenê li ser herêmê lê belê dê li ser cîhanê bi giştî xeter be.

Elî El-Ebas teqezî li ser piştgiriya bi QSD`ê re di aliyê manewî û leşkerî de kir û bang li QSD`ê kir ku bi hemû hêza bixebite da ku çeteyên DAIŞ`ê yên ku ji girtîgehê reviyane û gefan li ewlehiya şêniyan dixwin, tune bike.

Elî El-Ebas di dawiya axaftina xwe de bang li civata navneteweyî û rêxistinên pêwendîdar kir ku erkên xwe ji bo darizandina çeteyên DAIŞ`ê pêk bînin.

Her wiha şêx eşîreya Omera Cemal Hac Mensûr bêdengiya civat û hêzên navneteweyî li hember dosyaya DAIŞ`ê rexne kir û wiha domand: “Civata navneteweyî ji erkên xwe direve. Çavên xwe ji hebûna zêde ya çeteyên DAIŞ`ê li herêmên Bakur û Rojhilatê Sûriyê û pêkanîna darizandinên navneteweyî ji wan re, direve. Ev jî nayê qebûlkirin.”

Hac Mensûr destnîşan kir ku êrişên şaneyên DAIŞ`ê li dijî girtîgeha Xiwêran komployeke, bi hevkariya Qeter, dewleta Tirk û Rûsyayê hatiye pilankirin û wiha pê de çû: “Ev êriş mîna komployeke navneteweyî ye.”

Hac Mensûr got êrişa şaneyên DAIŞ`ê li dijî girtîgeha Xiwêranê û êrişên dewleta Tirk li dijî herêmên Bakur û Rojhilatê Sûriyê li Eyn Îsa, Til Temir û Zirganê bi rêya balafirên bê mirov ên dewleta Tirk li dijî hêzên Meclisa Leşkerî ya Til Temirê dema ku berê xwe didan bajarê Hesekê, da ku li dijî şaneyên DAIŞ`ê destekê bidin QSD`ê bi hev ve girêdayî ne.

Duh balafireke bê mirov hêzên Meclisa Leşkerî ya Til Temirê bombebaran kir dema ku ber bi bajarê Hesekê ve diçû da ku destekê bidin QSD`ê.

Cemal Hac Mensûr destnîşan kir ku terora DAIŞ`ê ne tenê li herêmên Bakur û Rojhilatê Sûriyê lê belê li tevahî dewletên cîhanê ye û ev tişt got: “Me dît ku çawa rêxistina DAIŞ`ê teqînên terorîst li Fransa û Amerîkayê pêk anî.”

Hac Mensûr got: “Êrişa DAIŞ`ê li dijî girtîgeha Xiwêranê ne tesadufî ye lê belê di salvegera damezirandina Rêveberiya Xweser û salvegera êrişên dewleta Tirk a dagirker li dijî Efrînê de hate kirin her wiha teqez kir ku ev yek asta pilana pêşwext ji êrişê re eşkere dike.

Cemal Hac Mensûr bang li civaka navneteweyî kir ku di hemû aliyên siyasî, leşkerî û diplomatîk de têkeve tevgerê da ku sînor ji xeteriya DAIŞ`ê re li Bakur û Rojhilatê Sûriyê deyne.

Şêxê eşîreya Hîzwela Qasim Hesen Zilfo li ser xeteriya êrişa şaneyên DAIŞ`ê li dijî girtîgeha Xiwêran, hewldana revandina çeteyan û bikaranîna sivîlan weke mertalên zindî da ku birevin, teqez kir. 

Şaneyên DAIŞ`ê ku êrişî girtîgeha Xiwêran kirine, sivîlan wek mertalên zindî bikar tînin. Navenda Ragihandina QSD`ê di daxuyaniyeke xwe de ku li ser malpera xwe ya fermî weşandî, ragihand ku şaneyên çeteyên DAIŞ`ê nehiştin zêdetirî 289 malbatên ji taxa Zihûr a rojavayê girtîgehê derkevin.

Hêzên Ewlekariya Hundirîn bi destekdayîna QSD`ê hewl dide ku şaneyên çeteyên DAIŞ`ê xwe radestî hêzên wan bikin bêyî ku operasyonên leşkerî yên mezin pêk bînin.

Zilfo diyar kir ku armanc dewleta Tirk a dagirker ji êrişên li ser herêmê ku bi êrişên şaneyên DAIŞ`ê re li dijî girtîgeha Xiwêran hatin kirin; gelan qir bike û projeya Rêveberiya Xweser têk bibe.

Zilfo ji ber zêdebûna xeteriya DAIŞ`ê ji demên berê zêdetir û pêkanîna sûcên hovane bi awayekî zêdetir hişyarî da civaka navneteweyî da ku çareseriyeke dawî ji dosyaya çeteyên DAIŞ`ê re peyda bike.

Li gorî Navenda Ragihandinê ya QSD`ê, hêzên wan hewldana revandina zêdetirî 120 çeteyên DAIŞ`ê ku di girtîgeha Xiwêran de bûn, têk bir.

(bx)

ANHA

Yorumlar

Henüz yorum yapılmamış. İlk yorumu yukarıdaki form aracılığıyla siz yapabilirsiniz.