DOLAR
13,0691
EURO
14,8758
ALTIN
754,45
BIST
1.804
Adana Adıyaman Afyon Ağrı Aksaray Amasya Ankara Antalya Ardahan Artvin Aydın Balıkesir Bartın Batman Bayburt Bilecik Bingöl Bitlis Bolu Burdur Bursa Çanakkale Çankırı Çorum Denizli Diyarbakır Düzce Edirne Elazığ Erzincan Erzurum Eskişehir Gaziantep Giresun Gümüşhane Hakkari Hatay Iğdır Isparta İstanbul İzmir K.Maraş Karabük Karaman Kars Kastamonu Kayseri Kırıkkale Kırklareli Kırşehir Kilis Kocaeli Konya Kütahya Malatya Manisa Mardin Mersin Muğla Muş Nevşehir Niğde Ordu Osmaniye Rize Sakarya Samsun Siirt Sinop Sivas Şanlıurfa Şırnak Tekirdağ Tokat Trabzon Tunceli Uşak Van Yalova Yozgat Zonguldak
Diyarbakır
Parçalı Bulutlu
16°C
Diyarbakır
16°C
Parçalı Bulutlu
Çarşamba Sağanak Yağışlı
11°C
Perşembe Parçalı Bulutlu
11°C
Cuma Az Bulutlu
12°C
Cumartesi Parçalı Bulutlu
11°C

PYNK: Darizandina siyasetmedaran di Doza Kobanê de têkiliyên Erdogan-DAIŞ`ê nîşan dide

03.05.2021
0
A+
A-

PYNK`ê diyar kir ku darizandina 108 siyasetmedar û endamên HDP`ê ne qanûnî ye û têkiliya xurt a rejîma Erdogan û çeteyên DAIŞ`ê nîşan dide. PYNK`ê bang li hemû hêzên muxalefeta civakî û siyasî ya Tirkiyê kir ku li kêleka HDP`ê bin.

Hikumeta Tirk di Nîsana borî de dest bi darizandina 108 siyasetmedar û endamên Partiya Gelan a Demokratîk (HDP) ji ber Doza Kobanê, kir. Partiyên Yekitiya Nîştimanî ya Kurdî (PYNK) der barê mijarê de daxuyaniyek da.

Di heman çarçoveyê de bertekên gel û derdorên siyasî yên Bakur û Rojhilatê Sûriyê li hemberî siyaset û êrişên dewleta Tirk a dagirker zêde dibin.

PYNK`ê di daxuyaniya xwe de teqez kir ku darizandina siyasetmedar û endamên HDP`ê, parçeyekî hewldanên jihevxistina tevgera siyasî ya kurdî û hewldanên AKP û MHP`ê yên tesfiyekirina HDP`ê ye.

Di daxuyaniyê de hate gotin: “Hikumeta Tirkiyê dest bi darizandina 108 siyasetmedar û endamên partiya HDP`ê ya muxalîf kir, di nav de hevserokên berê yên HDP`ê Selahattîn Demîrtaş û Fîgen Yusekdag. Ev yek di çarçoveya hewldanên çewisandinê yên rojane yên rejîma Erdogan ên li dijî dijberên xwe de, tê kirin.”

PYNK`ê destnîşan kir ku dadgehkirin piştî xwepêşandanên ku hemwextî êrişa çeteyên DAIŞ`ê li dijî bajarê Kobanê (2014) pêk tê, xwepêşandanên wê demê ji bo piştgiriya bi Kobanê re ku ji aliyê rêxistina terorîst ve rastî dorpêç û êrişê hatibû û gelek komkujiyê pêk hatibûn, li dar ketin.

PYNK`ê teqez kir ku ev darizandin ne qanûnî ye û têkiliya xurt di navbera rejîma Erdogan û rêxistina DAIŞ`ê de nîşan dide û daxuyaniyê wiha dewam kir: “Di demekê de ku berxwedana Kobanê piştgiriyeke navneteweyî girt, nexasim ji aliyê Koalîsyona Navneteweyî ve, Tirkiyê piştgirî dida DAIŞ`ê û li bendê bû ku Kobanê bikeve. Îro jî bi rêya dadgehkirinê û bi rêya qanûneke neserbixwe ku bi fermanên siyaset û rejîma Erdogan tev digere, tola têkçûna DAIŞ`ê hiltîne.”

PYNK`ê her wiha da zanîn ku ev dadgehkirin parçeyekî hewldanên jihevxistina tevgera siyasî ya kurdî û hewldanên AKP/MHP`ê yên tesfiyekirina Partiya Gelan a Demokratîk e û wiha dewam kir: “Nexasim ku ji beriya çend salan ve li dijî HDP`ê operasyonên qirkirina siyasî pêk tên, endamên wê tên binçavkirin, parlamanteriya endamên wê tê xistin û hevşaredarên hatine hilbijartin, ji kar tên derxistin û li şûna wan kesên girêdayî partiya Erdogan tên erkdarkirin.”

PYNK`ê diyar kir ku ev dadgehkirin, asta tirsa rejîma Erdogan ji HDP’ê nîşan dide û wiha dewam kir: “Nexasim piştî ku anketên derketine îşaretê bi paşdeçûna alîgirên AKP`ê dike, her wiha bi giştî alîgirên muxlafetê li Tirkiyê zêdetir dibin. Ev yek Erdogan û partiya wî tevlihev dike û ji bo ku li ser desthilatê bimîne rêbazên neqanûnî bi kar tîne.”

‘ERDOGAN QADA SIYASÎ LI TIRKIYÊ KIRIYE DARISTAN’

PYNK`ê wiha helwesta xwe diyar kir: “Wek PYNK em darizandina siyasetmedar û endamên HDP`ê û hemleyên çewisandinê yên rojane, şermezar dikin. Di heman demê de em bang li civaka navneteweyî dikin ku li dijî Erdogan bikevin nava tevgerê ku qada siyasî li Tirkiyê veguherandiye daristanê û li gorî dilê xwe bêyî ku rêzê ji urf û qanûnên navneteweyî re bigire, tev digere.”

PYNK`ê bang li hemû hêzên muxalafetê yên civakî û siyasî li Tirkiyê kir ku li kêleka HDP`ê bisekinin û demokrasiyê ku roj bi roj li Tirkiyê ji ber siyasetên hundirîn û derve yên Erdogan qels dibe, biparêzin û wiha bi dawî kir: “Êrişa hov a rejîma Erdogan a li dijî HDP`ê dimeşîne, dibe ku li dijî partiyên din ên opozîsyonê jî bê meşandin. Ji lew re, divê ev partî hevkar bin û li dijî hewldanên Erdogan ên tunekirina muxalefetê û demokrasiyê li Tirkiyê bisekinin.”

(cx)

ANHA

Yazarın Diğer Yazıları
Yorumlar

Henüz yorum yapılmamış. İlk yorumu yukarıdaki form aracılığıyla siz yapabilirsiniz.