Yekîneyên Antî Terorê (YAT) 9 çeteyên şaneyên DAIŞ`ê yên ku li kampa Holê bûyerên kuştinê pêk anîne, girtin.
Piştî 5 rojan ji Operasyona Mirovî û Ewlehiyê li kampa Holê, Hêzên Ewlekariya Hundirîn a Bakur û Rojhilatê Sûriyê roja înê pêngava yekemîn a operasyonê bi dawî kir. Lê hêzên YAT`ê operasyonên xwe yên taybet di hundirê kampê de didomînin.
Operasyonên YAT`ê di çarçoveya berdewama Operasyona Mirovî û Ewlehiyê de pêk tên da ku bandora DAIŞ`ê di kampa Holê de bi dawî bikin, her wiha li ser agahiyên ku çeteyên di operasyonê de hatine girtin û li xwe mikur hatin, ev operasyon têne kirin.
Hêzên YAT`ê girtin ser hejmarek ji konên di beşa yekemîn û duyemîn a penaberên Iraqê de û di encama wê de 9 çeteyên ku wek şaneyên çeteyên DAIŞ`ê di hundirê kampê de tev digerin, girtin. Hate zanîn ku çeteyên hatine girtin sûcên kuştinê pêk dianîn û di nav de jinek ku çek di hundirê kampê de di nava çeteyan de digerandin.
Kampa Holê ji xeternaktirîn kampan e, ji ber ku malbatên çeteyên DAIŞ`ê yên ji Sûrî, Iraq û dewletên biyanî tê de dijîn. Her wiha jinên DAIŞ`î hewldana ji nû ve birêxistinkirinê, kuştin, serjêkirin û belavkirina fikrên DAIŞ`ê dikin.
