Nivîskar û Rewşenbîrê Kurd Zinarê Xemo bangî partî û rêxistinên Kurd dike ku bi hev re serî li Neteweyên Yekbûyî bidin û banga serxwebûna Kurdistanê bikin.
Nivîskar, rewşenbîr û rûsipîyê Kurd Zinarê Xemo ji Bakurê Kurdistanê ye ku niha li Swêdê dijî. Taybetmendîya Rêzdar Xemo ev, dibê ez tu caran zimanê dagirkerên Kurdistanê xebernadim û bi wan zimanan nanivîsînim. Zinarê Xemo her dem bi Kurdî xebatên xwe pêşkêş dike.
Peyama Rêzdar Zinarê Xemo Awha ye
”Nuha tam wexta wê ye, dibê partiyên kurdî yên her çar perçên Kurdistanê giş bi daxwaznameyeke ji Neteweyên Yekbûyî û ji dinayê ra bibêjin em Kurdistaneke serbixwe dixwazin, tirkan, farisan, ereban em xwarin, li tu beşekî welatê xwe em nikanin bîna xwe bigrin.
Çar dewletan li welatê me em êsîr girtine û her roj zulmê li me dikin, me dikujin.
Bêyî deweleteke serbixwe tu çare û mukûna me nemaye, dibê dinya alî me bike, me ji bin vê zulm û terora van çar dewletan xelas bike.
Her serokê kurd, her siyasetmedarê kurd dibê êdî bêyî Kurdistaneke serbixwe tu tiştekî din qebûl neke, hedefa her kurdî dibê êdî daxwaza Kurdistana serbixwe be. Siyasetmedar û serokê ji bo vê hedefê nexebite gerek nikanibe bibe sîyasetmedar û serokê kurdan.
Meriv dewletê nexwaze kes nade meriv, ji bo em bibin xwedî dewleteke serbixwe dibê em wek milet bixwazin, di viya da israr bikin.”
Facebook
Sinews03
