Hêzên bejahî yên Îranê li bakurê rojavayê welat, li nêzî sînorê Azerbeycanê dest bi tedbîqateke leşkerî kir.
Di dîmenên li ser medyaya fermî de hatin belavkirin gelek tank, obus û helîkopter hedefên hatibûn diyarkirin dan ber topan.
Fermandarê Hêzên Bejahî General Kîyûmar Haydarî ê ji televîzyona dewletê re axivî got: “Em rêz ji têkiliyên cîrantiyar baş re digirin, lê em ê ji hêzên rejîma siyonîst û terorîstên DAIŞ’ê re baş nêzîk nebin.”
Haydarî bi van îfadeyan bal kişand ser têkiliyên di navbea Azerbeycan û Îsraîlê de.
Serokkomarê Azerbeycanê Haydar Alîyev jî di hevpeyvîna xwe ya roja duşemê dayî ajansa Tirk, diyar kiribû ku tedbîqata leşkerî ya Îranê ew matmayî hiştine. Aliyev got: “Her welat dikare li ser axa xwe dikare tedbîqateke leşkerî bike, lê çima niha û çima li ser sînorê me?”
Îran bi Azerbeycanê re xwedî sînoreke bi qasî 700 kêlometreyî ye û xwedî têkiliyên baş in. Berdevkê Wezareta Karê Derve ya Îranê Saîd Hatîbzadeh nerazîbûn nîşanî Aliyev da û got: “Îran ji bo ewlekariya netewî ya xwe, wê hemû tedbîrên pêwîst bigire.”
