Desteya Tenduristiyê ya Rêveberiya Xweser a Bakur û Rojhilatê Sûriyê navenda Diyalîzê (şûştina gurçikan) li bajarê Qamişloyê vekir. Dermankirina nexweşan dê bê pere be.
Desteya Tenduristiyê ya Rêveberiya Xweser a Bakur û Rojhilatê Sûriyê navenda Diyalîzê li taxa Elaya ya dikeve rojhilatê bajarê Qamişlo vekir.
Vekirina vê navnekê, gaveke girîng li herêmê ye. Di dema serweriya hikumeta Şamê li bajar de, qada tenduristiyê hatibû paşguhkirin û nexweşên gurçikan neçar diman ku biçin nexwexaneyên Heleb û Şamê tedawî bibin.
Di vekirina navendê de, endamên rêveber ên Meclisa Rêveber û Desteya Tenduristiyê ya Herêma Cizîrê amade bûn. Beşdaran tedbîrên xweparastina ji vîrusa Koronayê girtibûn.
Navend ji du holan pêk tê, yek a şûştina gurçikan û ya din jî odeya parzûnkirina avê ye, ji wê zêdetir jî laborator û dermanxane ku dermanan bê pere dide, hene. Di navendê de gelek bijîşk û hemşîreyên pispor dixebitin.
Endamê rêveber ê navenda diyalîzê Rafi Ebas got, di navendê 6 alavên şûştina gurçikan ên pêşketî hene, 4 ji bo xizmeta rojane ne, du jî ji bo rewşên awarte ne. Ebas diyar kir ku kadroyên tenduristiyê rojane 12 saetan ji bo dermankirina nexweşxan bixebitin.
(fr)
