DOLAR
16,9979
EURO
17,5083
ALTIN
964,63
BIST
2.371,25
Adana Adıyaman Afyon Ağrı Aksaray Amasya Ankara Antalya Ardahan Artvin Aydın Balıkesir Bartın Batman Bayburt Bilecik Bingöl Bitlis Bolu Burdur Bursa Çanakkale Çankırı Çorum Denizli Diyarbakır Düzce Edirne Elazığ Erzincan Erzurum Eskişehir Gaziantep Giresun Gümüşhane Hakkari Hatay Iğdır Isparta İstanbul İzmir K.Maraş Karabük Karaman Kars Kastamonu Kayseri Kırıkkale Kırklareli Kırşehir Kilis Kocaeli Konya Kütahya Malatya Manisa Mardin Mersin Muğla Muş Nevşehir Niğde Ordu Osmaniye Rize Sakarya Samsun Siirt Sinop Sivas Şanlıurfa Şırnak Tekirdağ Tokat Trabzon Tunceli Uşak Van Yalova Yozgat Zonguldak
Diyarbakır
Açık
37°C
Diyarbakır
37°C
Açık
Çarşamba Parçalı Bulutlu
38°C
Perşembe Az Bulutlu
37°C
Cuma Parçalı Bulutlu
39°C
Cumartesi Açık
39°C

Çalakiya rêxistinên Suryan bi dawî bû

Çalakiya rêxistinên Suryan bi dawî bû
13.05.2022
0
A+
A-

Çalakiya rêxistinên Suryan a bi banga bidawîkirina dagirkeriya Tirk û rawestandina projeya wê ya mêtîngeriyê li herêmên dagirkirî bi dawî bû.

Rêxistinên Suryan, bi banga bidawîkirina dagirkeriya Tirk a li Bakur û Rojhilatê Sûriy û rawestandina projeya mêtîngeriyê li herêmên dagirkirî, vegera ewle ya koçberan bi garantiya navneteweyî û çareserkirina aloziya Sûriyê li gorî biryara 2254’an a navneteweyî, duh çalakiya kon dabû destpêkirin.

Çalakî bi diruşma “Na ji siyasetên dijminane yên li ser gelên herêmê re” ji aliyê Partiya Yekitiya Suryan, Yekitiya Jinên Suryan, Yekitiya Ciwanên Suryan a Pêşverû ve li taxa Wista ya bajarê Qamişlo hatibû organîzekirin, îro bi dawî bû.

Endamên partî, rêxistin û saziyên Suryan Asur, TEV-DEM, Meclisa Qanûnsaz a Herêma Cizîrê, partiyên siyasî yên li herêmê û metranê Cizîrê û Firatê Moris Emseh beşdarî çalakiyê bûn.

Çalakiya roja duyemîn bi rêzgirtinê dest pê kir, paşê endamê TEV-DEM’ê Hogir Mihemed axivî û got: “Tevahî sûc û siyasetên ku li dijî gelên herêmê têne kirine, li pêşiya çavê cîhanê têne kirin, lê hîna cîhan bêdeng e.”

Hogir Mihemed, êrişên dewleta Tirk ên li ser Başûrê Kurdistan û Bakur û Rojhilatê Sûriyê şermezar kirin.

Bi navê fermandariya Meclisa Leşkerî ya Suryan Onel Yûsif jî got: “Kombûna îro ji bo hevgirtinê û sekna li hemberî siyasetên dewleta Tirk a dagirker ên bi armanca têkbirina destekftiyên ku di bin banê Rêveberiya Xweseriya Demokratîk de hatine bidestxistin de ye.”

Endama Partiya Yekitiya Suryan Elîzabeth Goriyê çalakiya sazî û rêxistinên herêmê yên li hemberî dagirekeriya Tirk û çeteyên wê silav kir û got: “Bi vê sekinê we îradeya gelên me û asta girêdana wê bi nirx û xwîna şehîdên wê xuya kir.”

Metranê Cizîrê û Firatê Morîs Emseh jî ev tişt anî ziman: “Ev kon nameya hezkirin û aştiyê ye, mayîna me li ser xakê û hevgirtina me nîşan dide ku tu kes nikare me ji xaka me bide koçberkirin. Em li dijî komployên ku pêkhateyê Suryan, Kildan, Xiristiyan û Asur çi li Iraqê be anî ji li ser xeta sînor a ku ji aliyê dewleta Tirk ve hatiye dagirkirin û hewldanên guhertina demografiya herêmê ne.”

Çalakî bi dayîna daxuyeniyekê bi dawî bû. Berpirsa Yekitiya Jinên Suryan a Sûriyê Îlham Metlî daxuyanî xwend.

Di daxuyaniyê de bal hate kişandin ser sûcên dewleta Tirk a dagirker ên li ser tevahî pêkhateyên herêmê û hate gotin, projeya Tirkiyê îdia dike ji bo avakirina ”herêmeke ewle” li seranserî xeta sînorî ya Bakur û Rojhilatê Sûriyê, herêmê dixe bin gefan û sivîl û leşkeran ji Dêrikê hata Kobanê dikin hedef.

Di dewama daxuyaniyê de hate gotin: “Em partî û saziyên Suryan Asur baş dizanin ku planên Tirkiyê li Sûriyê û Iraqê ne, ji ber vê yekê êrişî van herêman dike û ziyanên mezin dighîne gelên herêmê bi taybet, Suryan, Asur, Kurd, Ermen û Êzidî. Domandina koçberkirina van gelan xeter e û ya jê xetertir guhertina demografî, çewisandina nasnameya dîrokî ya van gelan e.”

Di daxuyaniyê de her wiha bal hate kişandin ser hevgirtina pêkhateyên herêmê di bin sîwana Rêveberiya Xweser a Bakur û Rojhilatê Sûriyê de û hate gotin ku pêkhateyên herêmê di bin sîwana QSD’ê bi hev re li hemberî komên terorîst şer kirin, ev rêveberî û gelên wê di bin gefên planên dijminane yên dewleta Tirk de ne, ku armanca wê têkbirina rêveberiya gelan û serkeftinên ku bi saya bi hezaran şehîdan hatine bidestxistin e.

Partî û rêxistinên Suryan û Asur bang li civata navneteweyî kirin ”Êrişên dewleta Tirk a dagirker ên li ser Bakur û Rojhilatê Sûriyê, koçberkirina şêniyên wê û guhertina demografiya herêmên dagirkirî rawestînin, vegera ewle ya niştecihên resen di bin garnatiya navneteweyî misoger bike, ji bo aktîvkirina çareseriya siyasî li gorî biryara neteweyî ya 2254 bi xebitin û di hemû aliyan de destekê bidin Rêveberiya Xweser.” Her wiha banga xwedîderketina li gelên Suryan, Asur û Êzidî yên li Şengalê hate kirin.

ANHA

Yorumlar

Henüz yorum yapılmamış. İlk yorumu yukarıdaki form aracılığıyla siz yapabilirsiniz.