Desteya Ciwan û Werzîşê ya herêma Firatê têkildarî hewldanên koçberkirina ciwanan, dûrxistina wan ji xak û nasnameya wan bi rêya şerê taybet daxuyaniyek da û tê de hemleya” Na ji koçberiyê re” ragihand.
Bi dehan endamên Desteya Ciwan û Werzîşê ya herêma Firatê li ber avahiya desteyê kom bûn û daxuyaniyek da. Endama desteyê Yara Mihemed daxuyanî xwend û wiha got: “Wekî tê zanîn di demên dawî de diyardeya koçbertiyê di nava gelê me, bi taybet ciwanan de belav bûye. Bi sedan ciwan û malbatên xwe ji welatê xwe derdikevin û koçber dibin. Ev axa ku bi xwîna şehîdên me yên giranbûha hatine avdêtin, dev jê berdidin û ji welatê xwe derdikevin. Ev jî baş tê xuyankirin ku yek ji planên dijminên me yên xwînmêj e faşîst e.
Dewleta Tirk a dagirker bi rêya şerê taybet dixwaze ciwan dûr axa wan bixe û her cûreyên qirêj bi kar tîne da ciwan dûrî çand û nasnameya xwe bikevin. Şerê taybet ên herî mezin bi rêya balafirên keşfê gel û ciwanan hedef bigire. Herî dawî du ciwan li bajarê kobanê kir hedef, xwest bi vê yekê tirsê di nava ciwan de belav bike ku wan dûrî bajarên wan bixwe.
Lê em wekî Desteya Ciwan û Werzîşê ya Herêma Firatê hemleyekê radighînin û em dibêjin na ji koçberiyê re. Di nava hemleya me de jî em ji bo dewleta faşîst dibêjin tu çiqas bi rêya şerê xwe yê taybet ku tu dixwaza di nava ciwanan de belav bike da ku wan dûr bixe, em ê bi hemû bi hêza xwe li hemberî planên te bisekinin û li pey şopa şehîdên xwe û fikir û felsfeya rêber Apo ne, em ê wekî mertal li hember dijmin bisekinin.
Banga me ji bo tevahî ciwanan û jinên ciwan heya ku em bi hev re li berambrî ev planên dijmin bisekinin, xwe û ciwanên xwe û gelê xwe bi rêxistin bikin û xwedî li şehîdên xwe derkevin em ê dijimin li dinayê tune bikin.”
ANHA
Sinews03
